კირქვის სვეტისებური კლდე მდინარე კაცხურასა და ღვითორის წყალგამყოფზე მდებარეობს. იგი 40 მეტრის სიმაღლისაა. განეკუთვნება ადრინდელ შუა საუკუნეებს. ეს იყო განდეგილთა სამყოფელი. სვეტის ზედა ბაქანზე ორი მცირე ზომის ეკლესიაა. მკვლევარების ვარაუდით ასეთ ადგილებში სამლოცველოების აგებას მესვეტეობას უკავშირებენ. VI საუკუნეში მესვეტეობა გავრცელებული იყო წინა აზიაში და განსაკუთრებით სირიაში., რომელთანაც ქრისტიანულ საქართველოს მჭიდრო ურთიერთობა ჰქონდა.

ჭიათურის პლატოზე მდებარეობს სოფელი მღვიმევი. მდინარე ყვირილას მარჯვენა მხარეს. სოფლის ტერიტორიაზე არის კარსტული მღვიმე, რომელიც ორსართულიანი კლდოვანი ფარდულების და ეხების კომპლექსია. აქ აღმოჩნდა ზედა პალეოლითის შუა საფეხურის მატერიალურ–კულტურული ნაშთები. 1934 წელს აღმოაჩინეს ნაწილი, ხოლო 1944 წელს აკადემიკოს ნიკო ბერძენიშვილის ხელმძღვანელობით სრულად გათხარეს.